Bıyl «Belovej kelisimine» 32 jyl toldy, dep habarlaıdy «Adyrna» tilshisi.
Reseı, Ýkraına men Belarýs basshylary 1991 jylǵy 8 jeltoqsanda Belovej kelisimine qol qoıǵan soń KSRO túbegeıli ydyraǵan edi.
Tamyz búliginen keıin KSRO-nyń ydyraý proesi burynǵydan da údeı tústi. Búlikti uıymdastyrýshylar tutqynǵa alynyp, kommýnıstik partııa taratyldy. Óz táýelsizdikterin jarııalaǵan burynǵy odaqtas respýblıkalardyń keıbireýleri ózderiniń KSRO quramynan shyǵatyndyqtaryn málimdedi. Ortalyqtyń bıligi kúnnen kúnge álsirep, elde saıası tolqýlar kúsheıdi. Osyndaı jaǵdaıda úsh respýblıka basshylary (Reseıden - Borıs Elın, Ýkraınadan - Leonıd Kravchýk, Belarýstan - Stanıslav Shýshkevıch) Mınskiniń mańaıyndaǵy Belovej ormanynda kelissóz ótkizdi. Kelissózde Keńes Odaǵyn saqtap qalýdyń budan bylaı múmkin emestigine baılanysty olar óz respýblıkalarynyń odaqtan shyǵatynyn jáne ózara odaqtastyq (saıası, ekonomıkalyq, áskerı) jóninde jańa shartqa qol qoıatyndyqtaryn málimdedi. Sóıtip, KSRO tynysy toqtady.
Buǵan jaýap retinde 1991 jyly 12 jeltoqsanda Ashhabad qalasynda Ortalyq Azııa respýblıkalary prezıdentteri (Qazaqstannan - Nursultan Nazarbaev, Qyrǵyzstannan - Asqar Aqaev, Ózbekstannan - Islam Kárimov, Tájikstannan - Qahhor Mahkamov, Túrikmenstannan - Saparmurat Nııazov) kezdesý ótkizdi. Kezdesýde olar ózara odaqtastyq jónindegi shartqa qol qoıdy jáne ózderiniń Belovej kelisimimen tolyq kelisetindikterin málimdedi. Buǵan qosa basshylar Belovej kelisimine qatysýshy elderge jáne basqa da burynǵy odaqtas respýblıkalarǵa jańa odaqtyq shart jasasý jóninde úndeý joldady.
Kóp uzamaı 1991 jyly 21 jeltoqsanda Almaty qalasynda burynǵy KSRO quramynda bolǵan 11 respýblıka (Armenııa, Ázirbaıjan, Belarýs, Qazaqstan, Qyrǵyzstan, Moldova, Ózbekstan, Reseı, Tájikstan, Túrikmenstan, Ýkraına) basshylary jańa kelisimshartqa qol qoıdy. Sóıtip burynǵy KSRO aýmaǵynda jańa odaq - Táýelsiz Memleketter Dostastyǵy quryldy.
Derekkóz: Ýıkıpedııa
