Елордалық полиция департаментінің мәліметінше, 4 желтоқсанда сағат 20:00-ден 5 желтоқсан 07:00-ге дейін ауа райының қолайсыздығына байланысты Астана жолдарында 63 жол-көлік оқиғасы орын алған, - деп хабарлайды «Адырна» ұлттық порталы.
Полицияның айтуынша, қаза болғандар мен зардап шеккендер жоқ.
Полицейлер жүргізушілерден жолда өте сақ болуды, белгіленген жылдамдықты қатаң сақтауды, кенет тежеуді болдырмауды және қашықтықты сақтауды сұрайды.
«Жол-көлік оқиғаларының алдын алу үшін тек жүргізушілер ғана емес, жаяу жүргіншілер де сақ болуы керек», - деп еске салды Астана полиция департаменті.
Бұған дейін елорда әкімдігі коммуналдық қызметтердің тротуарлар мен жолдарға құм-тұз қоспасын себе бастағанын хабарлаған болатын.
«Адырна» ұлттық порталы
