Марат Сұлтанғазиев: Алматы облысында жаңа қаланы құру қайта қолға алынды

1153
Adyrna.kz Telegram
Фото: Ашық дереккөзден
Фото: Ашық дереккөзден

Алматы облысында құрылатын жаңа қалада қанша адам тұратыны белгілі болды, деп хабарлайды "Адырна" ұлттық порталы.

Бұл туралы облыс әкімі Марат Сұлтанғазиев мәлімдеді.

Облыс басшысы Қонаев және Алматы қалаларының арасында "G4City" жобасын жүзеге асыру жобасы қайта қолға алынғанын айтты.

"Бұл бағыттағы алғашқы қадам –арнайы экономикалық аймағын құру. Ол "G4 City" қаласын және Қонаев қаласының бір бөлігін қамтитын болады. "G4 City" қаласы бойынша құны 3,7 трлн теңге көлемінде инвестиция тарту, 3,2 трлн теңге салық түсімдері, сондай-ақ 34 мың жұмыс орнын құру жоспарланып отыр", – деді Марат Сұлтанғазиев.

"G4 City" қаласының аумағы мен қанша адамға лайықталатыны да белгілі болды.

“Оның аумағы 88 мың гектарды құрайтын 4 аймаққа бөлінеді. 2050 жылға қарай 2 миллионнан астам адам тұрады деп болжануда”, – делінген мәліметте.

Пікірлер