10 қарашада Қазақстан мен Қытай арасында визасыз режим күшіне енді, деп хабарлайды «Адырна» тілшісі.
Тиісті келісімге екі елдің үкіметі Сианда қол қойды. Құжатқа сәйкес, екі елдің азаматтары жеке істер, туризм, емдеу, халықаралық тасымалдар, транзит, сондай-ақ іскерлік мақсаттарды іске асыру үшін визалық талаптардан босатылады.
Бұл ретте азаматтардың мемлекет аумағында болу мерзімі 30 күннен аспауы қажет. Ал елге жарты жыл ішінде бірнеше рет барған жағдайда 90 күнге дейін визасыз жүруге рұқсат.
