Ташкентте ән салған қазақстандықтар ескерту алды, деп хабарлайды "Адырна" тілшісі Tengritravel.kz-ке сілтеме жасап.
Ташкентте танымал Kok-tū әнін орындаған қазақстандықтардың видеосы таралды.
Бейнежазба TikTok желісінде жарияланып, миллионға жуық қаралым жинаған.
Видеода 150 туристің қолынан Қазақстанның туын байқауға болады. Олар Ташкенттегі көңіл көтеру және әткеншектер паркінің алдында ән салған. Бұл жағдай 28 қазанда болған. Тур ұйымдастырушылар:
"Біз мұны хайп үшін түсірген жоқпыз, біз тек Орталық Азия ұлттарының достық қарым-қатынасын көрсеткіміз келді. Видео түіру жеңіл әрі қызық болды. Басқа елдің азаматтары біздің әрекетімізді көріп, қолдау білдірді. Біз тек қазақ екенімізді, ергін және ұйымдасқан екенімізді көрсеткіміз келді. Толқып кеттік! Патриотизм сезімі ерекше екен, біздің халық сондай ғой", - дейді.
Көшеде ән айтқандар қоғамдық тәртіп бұзғаны үшін ескерту алған.
