Қостанай облысында полиция қызметкері әйелін өлтірді деген күдікке ілінді, деп хабарлайды «Адырна» тілшісі.
Облыстық полиция департаментінің айтуынша, марқұм әйел де құқық қорғау органдарында жұмыс істеген.
«Әйелдің денесі 1 қараша күні таңертең өз үйінің ауласынан табылды. Оны өлтірді деген күдікке полицейдің жұбайы ілініп отыр. Ерлі-зайыпты ажырасатын уақытты күтіп жүрген»,—деді басқарманың баспасөз қызметі.
Аталған факті бойынша Қылмыстық кодекстің 99-бабы «Адам өлтіру» бойынша қылмыстық іс қозғалды. Ер адам уақытша ұстау изоляторына қамалды. Оқиғаның мән-жайын анықтау үшін қажетті тергеу әрекеттері жүргізілуде.
