Қазақстандық пойыздарда интернетке қолжетімділікті қамтамасыз ететін жаңа қызмет енгізілді. Бұл туралы Көлік министрлігінің баспасөз қызметі мәлімдеді, деп хабарлайды “Адырна” ұлттық порталы.
Ақпаратқа сәйкес, кең жолақты интернет қамтылмаған орында енді жолаушылар жеке электронды құрылғыларымен ішкі Wi-Fi кіру нүктелерін пайдалана отырып, түрлі фильмдерді тамашалай алады, музыка тыңдай алады. Және бұл қызмет тегін екенін жеткізді.
Пойызда интернетке қосылу үшін жолаушы құрылғысынан Wi-Fi қосып, тізімінен ҚТЖ желісін таңдауы керек.
