Төтенше жағдайлар министрлігінің құтқарушылары жер сілкінісі салдарын жоюға көмек көрсету үшін Ауғанстанға аттанды, деп хабарлайды «Адырна» ұлттық порталы.
ТЖМ баспасөз қызметінің мәліметіне сәйкес, іздестіру-құтқару жұмыстарын жүргізу үшін 45 адамнан құрылған күштер мен құралдар топ құрылған. Олардың арасында Республикалық жедел-құтқару жасағының құтқарушылары, кинологиялық есептобы, Апаттар медицинасы орталығының дәрігерлері мен фельдшерлері бар. Бірқатар құтқарушылар мен медицина қызметкерлері биылғы жылы Түркияда болған жер сілкінісі салдарын жоюға қатысқандар.
Топты Қазақстан Республикасы ТЖМ Азаматтық қорғаныс және әскери бөлімдер комитеті төрағасының міндетін атқарушы Ұларбек Әбікеев басқарады.
«Адырна» ұлттық порталы
