Әл-Фараби атындағы Қазақ Ұлттық университеті, журналистика факультетінің оқытушысы Дастан Қастай университетте оқытушылық қызметін қайта жалғастырады. Бұл туралы Ғылым және жоғары білім министрі Саясат Нұрбек фейсбук парақшасында жариялады, деп хабарлайды «Адырна» ұлттық порталы.
«Достар, Әл-Фараби атындағы Қазақ ұлттық университетінің жас оқытушысы Дастан Қастайдың әлеуметтік желідегі ашық хатына байланысты оқу ордасының басшылығымен тікелей байланыстым және ұстаздарды жұмыстан шығару немесе қудалау фактілері болмауы керектігі бойынша кеңестерімді бердім. Қазіргі уақытта Дастан Қастай бауырымыздың жұмыстан шығарылғаны туралы бұйрық жоқ екендігін және журналистика факультетіндегі қызметін жалғастыра беретіндігін баршаңызға қуанышпен жеткіземін», - деп жазды Саясат Нұрбек.
«Адырна» ұлттық порталы.
