Мемлекет басшысы Қасым-Жомарт Тоқаев Германияның федералдық канцлері Олаф Шольцпен кеңейтілген құрамда келіссөз жүргізді, деп хабарлайды "Адырна" тілшісі.
Кездесу барысында Президент Қасым-Жомарт Тоқаев еліміздің Еуропа Одағындағы негізгі серіктесі – Германиямен арадағы ынтымақтастықты дамытуға Қазақстан айрықша мән беретініне назар аударды. Мемлекет басшысы бүгінде Қазақстан - Германия экономикасына қаржы құйған жетекші инвесторлардың және ең ірі сауда серіктестерінің бірі екенін айтты.
Ал федералдық канцлер Олаф Шольц Қазақстан президентімен кездесуде екі ел арасындағы қарым-қатынас соңғы 30 жыл ішінде тұрақты түрде тереңдей түскенін, жақсы серіктестіктің қалыптасқанын атап өтті.
Қазақстан Президенті мен Германияның федералдық канцлері жоғары деңгейде өткен келіссөздерден кейін бұқаралық ақпарат құралдарында бірнеше деректер тарады. Назарларыңызға ең маңызды ақпараттар легін ұсынамыз.
"Біздің елдеріміз арасындағы қарым-қатынас соңғы 30 жыл ішінде тұрақты түрде тереңдей түсті. Осы уақыт ішінде жақсы және серіктестік қарым-қатынас қалыптасты. Біз бұған қуаныштымыз және болашақ ынтымақтастықты да осыған негіздейтін боламыз! Қазақстан Орталық Азиядағы ең маңызды сауда әріптесіміз болып табылады және Біз сауда мен инвестицияларды кеңейту үшін жағдайды одан әрі жақсартқымыз келеді. Германия елде басталған реформаларды құптайды және қолдайды", - деді Шольц.
Шольц сөз барысында Қазақстанды Германияға мұнай жеткізу бағыттарын кеңейту үшін ең маңызды серіктес деп атады. Бұл ресейлік энергия тасымалдаушылардан тәуелсіз болуға мүмкіндік беретінін жасырмады.
"Біз көлік маршруттарын, ең алдымен орта дәліз деп аталатын жолды кеңейтуді жеделдету керек деп ойлаймыз. Жалпы, Қазақстанға қатысты біз әлемнің көптеген бөліктерінде шикізат өндіру, тау-кен өнеркәсібін және онымен байланысты барлық нәрсені дамыту, сондай-ақ әрбір елде бар технологиялық біліммен алмасу маңызды екеніне сенімдіміз. Бұған, әрине, мұндай шикізатты өңдеудің бірінші кезеңі жерден алынған жерде жақсы жүзеге асырылады. Бұл тұрғыда бұл тұрақты әлем үшін, барланған ресурстарды экологиялық таза және ұтымды пайдалану үшін өте маңызды қағида. Бұл тұрақтылық маңызды және Қазақстан біз үшін үлкен стратегиялық рөл атқарады",-деді ол.
О. Шольц өздерінің Қазақстанмен терең қатынасқа ықылас танытты.
"Шынында да, біз шикізат саласындағы ынтымақтастық туралы қарқынды сөйлестік. Жалпы, Қазақстанға қатысты біз әлемнің көптеген бөліктерінде шикізат өндіру, тау-кен өнеркәсібін және онымен байланысты барлық саланы дамыту, сондай-ақ әрбір елде бар технологиялық біліммен алмасу маңызды екеніне сенімдіміз. Бұған, әрине, мұндай шикізатты өңдеудің бірінші кезеңі қазып алынған жерде жақсы жүзеге асырылады. Бұл тұрғыда бұл тұрақты әлем үшін, барланған ресурстарды экологиялық таза және ұтымды пайдалану үшін өте маңызды қағида. Бұл сонымен қатар жеке жеткізушілерге тәуелділікті азайтуға көмектеседі. Бұл тұрақтылық маңызды және Қазақстан біз үшін үлкен стратегиялық рөл атқарады", - деген канлердің сөзі батыс БАҚ беттерінде тарады", - деді ол.
Қазақстан Германияға мұнай жеткізуді ұлғайтуға дайын
Сондай-ақ, Шольц Қазақстанды "шикі мұнай импорты сияқты жеткізу маршруттарын кеңейту және ресейлік энергия жеткізілімдерінен тәуелсіз болу үшін маңызды серіктес"деп атады.
Федералдық канцлер Олаф Шольц және Президент Тоқаев сауда мен инвестиция үшін жағдайды жақсартуға келісті. Қазақстан Орталық Азиядағы ең ірі мемлекет және Германиядағы ең ірі мұнай экспорттаушы болып табылады. Бұл фактор Германия үшін Қазақстанның рөлі маңызды екенін білдіреді.
"Тоқаев пен Олаф Шольц - Қазақстан Ресейге қарсы санкцияларды сақтауды жалғастырады"
"Қазақстан Германияға мұнай жеткізуді ұлғайтуға дайын", - деді Тоқаев журналистерге.
"Неміс достарымыздың өтініші бойынша мен еліміздің мұнай жеткізілімін тұрақты және ұзақ мерзімді негізде ұлғайтуға дайын екендігін растадым" деген Тоқаев Шольцті Астанаға шақырып, Германияны "Еуропалық Одақтағы стратегиялық серіктес"деп атады.
Шольц Қазақстанды Германияның "Орталық Азиядағы сөзсіз ең маңызды сауда серіктесі" деп атады және Тоқаев екеуі сауда мен инвестициялар үшін жағдайды жақсартуға келісті деп мәлімдеді. "Қазақстан біздің жеткізу арналарымызды кеңейту үшін, мысалы, шикі мұнай импорты есебінен және бізді ресейлік энергия жеткізілімдерінен тәуелсіз ету үшін маңызды серіктес болып табылады", — деді канцлер.
"Соғыс, мұнай және бес жаңа дос"
Президент Тоқаев 30 қыркүйек, жұма күні Берлинде Орталық Азия мемлекеттерінің басшыларымен бірге "Орталық Азия - Германия" форматындағы жиынға қатысты. Бұл отырыста көптеген ұсыныс айтылды.
Федералдық президент Франк-Вальтер Штайнмайер Қазақстан, Қырғызстан, Тәжікстан, Түрікменстан және Өзбекстан басшыларын таңғы асқа шақырды. Бұл жиынға Түркіменстаннан президент емес, президенттің әкесі, халықтық мәслихат төрағасы Құрбанғұлы Бердімұхаммедов барған еді.
Олаф Шольцпен бірлескен түскі ас алдында кеңседе Германия экономикасының шығыс комитеті ұйымдастырған форум өтті. Осыдан кейін әр президент канцлермен, сондай-ақ экономика министрі Роберт Хабекпен жеке-жеке сөйлесті. Тек Қазақстан президенті Қасым-Жомарт Тоқаев Шольцпен оңаша сөйлеспейді - бейсенбіде олар мұқият әңгімелескен болатын.
Естеріңізге сала кетейік, Мемлекет басшысы Қасым-Жомарт Тоқаев 28 қыркүйек күні Германияға ресми іс-сапармен барған болатын.
Келелі кездесуде Германияның Федералдық канцлері Олаф Шольц пен Қасым-Жомарт Тоқаевтың арасында айтылған әңгіме барысы кейбір батыстық БАҚ беттерінде осылай көрініс тапты.
