قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋ ءۇشىن ستراتەگيا جاساقتاۋىمىز قاجەت — جاڭبىرشين

2056
Adyrna.kz Telegram

ەكولوگيا ماسەلەلەرى جانە تابيعات پايدالانۋ كوميتەتىنىڭ توراعاسى ەدىل ءجاڭبىرشيننىڭ جەتەكشىلىگىمەن وتكەن كوميتەتتىڭ تاقىرىپتىق وتىرىسىندا ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋ ماسەلەلەرى قارالدى.

ەدىل جاڭبىرشين وتكەن جىلىتۋ ماۋسىمى ەلىمىزدەگى ينفراقۇرىلىمدى اۋقىمدى جاڭعىرتۋ كەرەكتىگىن، سونداي-اق جاڭا ەنەرگەتيكالىق قۋاتتاردى ىسكە قوسۋ قاجەتتىگىن كورسەتكەنىن اتاپ ءوتتى.

– 1 قىركۇيەكتەگى مەملەكەت باسشىسىنىڭ جولداۋىندا ەلەكتر ەنەرگەتيكاسى سەكتورى باسىم باعىتتاردىڭ ءبىرى بولدى جانە ۇكىمەتكە ەلدىڭ ەنەرگەتيكالىق قاۋىپسىزدىگىن قامتاماسىز ەتۋ جۇكتەلدى، – دەدى ە.جاڭبىرشين.

وسى ماسەلە بويىنشا جاعدايدى ەنەرگەتيكا ۆيتسە-ءمينيسترى جاندوس نۇرماعانبەتوۆ باياندادى. ونىڭ ايتۋىنشا، بۇگىنگى تاڭدا تۇتىنۋشىلاردىڭ ەلەكتر ەنەرگياسىنا دەگەن سۇرانىسى ەلەكتر جەلىلەرىنىڭ قۋاتتىلىعى اياسىندا تولىق كولەمدە قاناعاتتاندىرىلۋدا. قازىر گەنەراتسيانىڭ بەلگىلەنگەن قۋاتى 25,8 گۆت، قولدا بار قۋاتى 19,2 گۆت قۇرايدى.

– وزدەرىڭىز بىلەتىندەي، بيىل 1 شىلدەدەن باستاپ ەلەكتر ەنەرگياسىن ورتالىقتاندىرىلعان ساتىپ الۋ جانە ساتۋ مودەلى ىسكە قوسىلدى، باسقاشا ايتقاندا، ەلەكتر ەنەرگياسىن بىرىڭعاي ساتىپ الۋشى جاريالاندى. جۇمىستىڭ ءبىرىنشى ايىندا بىرىڭعاي ساتىپ الۋشى باسەكەلەستىك جاعدايلاردىڭ وڭ ناتيجەسىن كورسەتتى. بۇل رەتتە ەڭ جوعارى جۇكتەمە ساعاتتارىندا، ءتىپتى ناقتى جوسپارلاۋ كەزىندە دە، وتاندىق ەنەرگيا كوزدەرى ەسەبىنەن ەلدىڭ ەلەكتر ەنەرگياسىنا دەگەن قاجەتتىلىگىن تولىعىمەن جابۋ مۇمكىن ەمەس. ەلەكتر ستانتسيالارىنان ەلەكتر ەنەرگياسىنىڭ كولەمى جەتكىلىكسىز بولعان جاعدايدا، بىرىڭعاي ساتىپ الۋشى ونى ىرگەلەس ەنەرگيا جۇيەلەرىنەن ساتىپ الادى. سونىمەن قاتار ەلەكتر ەنەرگياسىن جوسپارلى يمپورتتاۋ مۇمكىندىگى ەلىمىزدىڭ ءىرى ەلەكتر ستانتسيالارىنا كۇردەلى جوندەۋ جۇرگىزۋگە مۇمكىندىك بەردى، – دەدى ج.نۇرماعانبەتوۆ.

سونداي-اق ول ەنەرگيا ءوندىرۋشى ۇيىمدارمەن جۇمىس ىستەپ تۇرعان ەلەكتر ستانتسيالارىن جاڭعىرتۋعا جانە كەڭەيتۋگە 1700 مۆت-تان استام جيىنتىق قۋاتى بار 13 ينۆەستيتسيالىق كەلىسىم جاسالعانىن ايتتى. 2030 جىلعا قاراي 14 گۆت-تان استام قۋاتتاردى جانە جەلىلەردى كۇشەيتۋ بويىنشا ءتيىستى ينفراقۇرىلىمدى ىسكە قوسۋ كوزدەلگەن.

قر ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتى توراعاسى سۇڭعات ەسىمحانوۆتىڭ ايتۋىنشا، 2023 جىلى ەلەكتر ستانتسيالارىندا 10 ەنەرگوبلوكتى، 49 قازاندىقتى جانە 54 تۋربينانى كۇردەلى جوندەۋدەن وتكىزۋ جوسپارلانعان. ال 4 ەنەرگوبلوكتى، 23 قازاندىق پەن 20 تۋربيناعا ءارتۇرلى كەزەڭدە جوندەۋ جۇمىستارى جاسالماق. تاۋەكەل ايماعىنا ريددەر، تەمىرتاۋ، ەكىباستۇز، شاحتينسك جانە باسقا قالالارداعى جىلۋ ەلەكتر ستانتسيالارى كىرەدى. سونىمەن قاتار جالپى ۇزىندىعى 25 مىڭ شاقىرىمنان اساتىن ەلەكتر بەرۋ جەلىلەرى، 570-كە جۋىق قوسالقى ستانسالار مەن 3,5 مىڭ تاراتۋ پۋنكتتەرى مەن ترانسفورماتورلىق قوسالقى ستانتسيالار كۇردەلى جوندەۋدى كۇتىپ تۇر.

سونداي-اق «سامۇرىق-ەنەرگو» اق ءوندىرىس جونىندەگى باسقارۋشى ديرەكتورى رۋسلان تۇرعامباەۆ پەن «KEGOC» قازاقستان ەلەكتر جەلىلەرىن باسقارۋ كومپانياسى» اق باسقارما توراعاسى ءنابي ايتجانوۆا كەزدەسۋ تاقىرىبى بويىنشا بايانداما جاسادى.

باياندامالاردى تىڭداعان سوڭ دەپۋتاتتار تاقىرىپقا قاتىستى سۇراقتارىن قويدى. وتىرىس ناتيجەسى بويىنشا ازىرلەنگەن ۇسىنىستاردى ورىنداۋ ەنەگەتيكا مينيسترلىگىنە جۇكتەلدى. ونى ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتى ءوزى باقىلاۋىنا الدى.

  • اسا ماڭىزدى ماسەلە قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋ. وسىعان وراي ستراتەگيا جاساقتاۋىمىز قاجەت. بۇل قۇجاتتا وڭىرلەردە سالىناتىن ەنەرگەتيكالىق نىساندار، ءوندىرىس كۇشتەرى، جوعارى كەرنەۋلى ەلەكتر جەلىلەرى مەن قوسالقى ستانتسيالار، وتىن رەسۋرستارىنىڭ ورنالاسۋى مەن جەتكىزىلۋى، وڭىرلەردىڭ دەموگرافيالىق احۋالى مەن ادامي رەسۋرستارىنىڭ الەۋەتى، تارتىلاتىن ينۆەستيتسيا مەن تاريف سياقتى مالىمەتتەر ەسكەرىلۋى ءتيىس. سوندىقتان وتىن-ەنەرگەتيكالىق جانە وندىرىستىك-تەرريتوريالىق كەشەندەر ينتەگراتسيالانعان كورسەتكىشتەرى ناقتىلانعان، ستراتەگيانى دايىنداۋ ءۇشىن ەنەرگەتيكا مينيسترلىگى ماجىلسپەن بىرلەسىپ جۇمىس توبىن قۇرۋ قاجەت. بۇل جۇمىسقا سالا ماماندارى مەن عالىمداردى قوسقان ءجون، – دەپ قورىتىندىلادى ە.جاڭبىرشين.

ءماجىلىستىڭ ءباسپاسوز قىزمەتى 74-63-04, فوتو ت.تانىباەۆ.

Реклама
  • ИП Попов А.П.
  • ИНН: 602715631406
Кардиолог шокировал мировую медицину: сосуды чистит простой...
Реклама
  • ИП Попов А.П.
  • ИНН: 602715631406
Школьники потрясли всю сеть этим танцем — смотреть без детей!
Реклама
  • ИП Попов А.П.
  • ИНН: 602715631406
97-летний кардиолог: "Если давление выше 130\90, выпейте 2 ложки…
پىكىرلەر