Алматыда ер адам автобус жолаушыларын пышақпен қорқытты, - деп хабарлайды “Адырна”. Куәгердің айтуынша, бұл 30 тамызда №135 автобуста болған жайт.
Ер адам автобус ішіндегі жолаушымен төбелесіп, пышағын суырып алып, онымен адамдарды қорқыта бастаған.
Алматы қалалық полиция департаменті бұл факті бойынша Әуезов ауданының полиция бөлімі тексеріп жатқанын хабарлады.
“Оқиғаға қатысы бар тұлға анықталды, оны ұстау шаралары жүргізілуде. Алдын ала мәлімет бойынша, ер адам Психикалық денсаулық орталығында есепте тұр. Оның әрекетіне Қазақстан Республикасының заңнамасына сәйкес құқықтық баға беріледі” делінген.
Бұл туралы Алматы қалалық ІІД баспасөз қызметі хабарлады.
Посмотреть эту публикацию в Instagram
