ءىستى بولعان ۇلتتىق قاۋىپسىزدىك كوميتەتىنىڭ (ۇقك) ەكس-توراعاسى كارىم ءماسىموۆ پەن ۇقك جانە پوليتسيا دەپارتامەنتتەرىنىڭ (پد) بۇرىنعى باسشىلارى، سونىڭ ىشىندە ءماسىموۆتىڭ تۋىسى، پاۆلودار وبلىستىق پوليتسيا دەپارتامەنتىنىڭ بۇرىنعى باستىعى نۇرلان ءماسىموۆ شىعىس قازاقستان وبلىسىنداعى كولونياعا اۋىستىرىلادى، دەپ حابارلايدى "ادىرنا" پورتالى كازتاگ-قا سىلتەپ.
«ۇقك-ءنىڭ بۇرىنعى باسشىلارى: الماتى وبلىسىندا - ءسابيت قۇرماناەۆ، قىزىلوردا وبلىسىندا - اسلان راحيموۆ، الماتىدا - نۇرلان ءماجيلوۆ، سونداي-اق پاۆلودار وبلىسى پد بۇرىنعى باسشىسى نۇرلان ءماسىموۆ وسكەمەنگە اۋىستىرىلادى. ۇقك-ءنىڭ بۇرىنعى توراعاسى كارىم ءماسىموۆ پەن ونىڭ بۇرىنعى ورىنباسارلارى ءانۋار سادىقۇلوۆ پەن داۋلەت ەرعوجين دە وسكەمەندەگى جالپى رەجيمدەگى كولونياعا اۋىستىرىلادى»، - دەپ حابارلاندى دەرەككوزدە.
ەسكە سالايىق، الماتى قالاسى مەن ەكى وبلىستىڭ ۇقك-ءنىڭ اتالعان ەكس-باسشىلارى 2022 جىلعى قاڭتار وقيعاسى كەزىندە وزدەرىنە سەنىپ تاپسىرىلعان ستراتەگيالىق نىسانداردى تاستاپ كەتكەنى ءۇشىن سوتتالعان بولاتىن. كارىم ءماسىموۆ پەن ونىڭ بۇرىنعى ورىنباسارلارى قاڭتار وقيعاسىن ۇيىمداستىرعان تىكەلەي قاستاندىق جاساۋشىلار رەتىندە مەرزىم الدى. نۇرلان ءماسىموۆ پاۆلودار وبلىسى ىشكى ىستەر باسقارماسىنىڭ باسشىسى لاۋازىمىندا سىبايلاس جەمقورلىققا قاتىسى بار دەپ ءىستى بولدى.
"ادىرنا" ۇلتتىق پورتالى
