Бүгін 27 маусымда өз-өзіне қол жұмсады делінген Владимир Седовтың әріптесі Илья Ильин болған жайтқа қатысты пікірін білдірді, деп жазады "Адырна". Бұл туралы Tengri Sport сайтының тілшісіне берген сұхбатында айтты.
Спортшы марқұм Владимирдің отбасына көңіл айтып, бұл бүкіл Қазақстан мен әлемдік спортшылар қауымдастығы үшін ауыр қаза екенін атап өтті.
"Өкінішке қарай, соңғы жылдары байланысымыз үзілді. Менің жақын ортам мен достарым кейде оған телефон соғатын, бәрі жақсы көрінген.. Бұл жағдайдың осылай болғаны өте өкінішті. Жеке мәселелер көңілсіздіктен туындайды. Мен Владимирдің өмір тарихын білемін, оның өз проблемалары болды. Соған қарамастан, жігіт жастай кетті ...
Спортшының отбасына, туған-туыстарына, жақындарына, бүкіл Қазақстанға және әлемдік спорт қауымдастығына қайғыларына ортақтасып көңіл айтамын. Құрметті жастар, бір-бірлеріңе қамқор болыңдар. Иә, қазір бәрімізге қиын, бірақ біз жақындарымыздың өміріне алаңдаулы болуымыз керек », - деді ол.
Илья Ильин 2021 жылы тағы бір қазақстандық ауыр атлет Альберт Линдердің 25 жасында қайтыс болғанын еске алды.
"Осындай екінші жағдай. Шынымды айтсам, әлемдік ауыр атлетикада да, Қазақстанда да спортшылардың бірлігі жоқ. Біз күрделі проблемаларды көріп тұрған жоқпыз, тек ауызбіршілік керек. Халық жалақысыз, жұмыссыз отыр. Ешкім келіп олардың жағдайын түсінгісі келмейді. Бірдеңе істеуге тырысады, бірақ нәтиже шықпауы мүмкін.
Төрт дүркін әлем чемпионы Владимир Седовтың қайғылы жағдайда өмірден кетуі барлығына белгі болуы керек деп санайды.
"Бір-бірімізге назар аудара бастайтын кез келді. Адамгершілік, эмпатия және жанашырлық - біз осыған назар аударуымыз керек. Біз өзгеруіміз керек. Федерацияның жаңа басшылығы келді, бір нәрсе өзгереді деп үміттенемін. Біз өз назарымызды іс-әрекеттермен көрсетуіміз керек, ашық диалог жүргізуіміз керек, сонда ғана біз бұл оқиғаларды жеңе аламыз. Қазір көмекке мұқтаж көптеген спортшылар бар, енді оларды құтқару керек», - деп түйіндеді сөзін Илья Ильин.
Қазақстанның еңбек сіңірген спорт шебері Владимир Седовтың қайтыс болғаны туралы ақпарат 27 маусым күні таңертең белгілі болды. Оның өз-өзіне қол жұмсағанын туыстары хабарлады.
Владимир Седов – 2008 жылғы Бейжің Олимпиадасының қатысушысы, Қазақстанның төрт дүркін чемпионы, 2010 жылғы Қазақстан чемпионатының рекордсмені. Сәтті өнер көрсеткені үшін «Құрмет» орденімен марапатталды.
"Адырна" ұлттық порталы
