Беларусь президенті Александр Лукашенко Қазақстанның бұрынғы президенті Нұрсұлтан Назарбаевпен телефон арқылы тілдесіп, Беларусь-Қазақстан қатынастарын талқылады, деп хабарлайды Беларусь президенті баспасөз қызметінің Telegram-арнасы. Бұл жайлы "Адырна" ұлттық порталы жазды.
"Түс ауа Қазақстанның тұңғыш Президенті Нұрсұлтан Назарбаевпен телефон арқылы сөйлесу болды", - делінген жексенбіде күнгі ақпараттар легінде.
Лукашенко мен Назарбаев халықаралық саяси құбылыстарды, аймақтық оқиғаларды және Қазақстан-Беларусь қатынастарын талқылаған.
Еске сала кетейік, таңертең Лукашенко Владимир Путинмен телефон арқылы сөйлескен болатын. Ал кешегі тілдесу барысында Путиннің Лукашенконың "қалтқысыз қызметіне" алғыс білдіргенін хабарладық.
"Адырна" ұлттық порталы
