« Мемлекеттік күзет қызметі туралы ережені бекіту туралы» Президент жарлығына өзгеріс енгізілмек. Бұл туралы Ашық НҚА порталында жарияланған, деп хабарлайды ”Адырна” ұлттық порталы.
Жарлықта енді Мемлекеттік күзет қызметінің (МКҚ) басты функциясы қатарынан ҚР Тұңғыш Президенті - Елбасының қауіпсіздігін қамтамасыз ету міндеті алынып тасталмақ.
"Міндеттері - Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету," - делінген.
Құжатқа қосымша берілген түсіндірмеде МКҚ-ден Нұрсұлтан Назарбаевтың қауіпсіздігін қамтамасыз ету міндеті «Тұңғыш Президент – Елбасы туралы» Конституциялық заңның күші жойылуына байланысты алынып тасталып отырғаны көрсетілген.
Айта кетейік, жарлық жобасы 14 маусымға дейін көпшілік талқылауда болады. Кейін қол қою үшін Президентке жолданады..
