Home » Jańalyqtar » «Sharbaqty» shekarasynda eki balaly áıel tas edende túnegen

«Sharbaqty» shekarasynda eki balaly áıel tas edende túnegen

Mońǵolııadan Qazaq Eline eki sábıimen kele jatqan Jansaıa Baqythan esimdi kelinshek Pavlodar men Reseı shekarasyndaǵy «Sharbaqty» beketinde sebepsiz tosqaýylǵa jolyqqan.

Kelinshek negizi Qazaqstan azamattyǵyn alý úshin qolyndaǵy Monǵolııa pasportyn jańartýǵa baryp, shekaradan óte almaı, aqyry Monǵolııanyń ózin 2017 jyly azamattyqtan shyǵaryp tastaǵany týraly anyqtamasyn alyp, keri qaıtqan. Shekarashylardyń tapqan kinási «Uzartylǵan pasportpen ótkizbeımiz. Monǵolııa pasportyn jańalap kel» degen.

Qolyndaǵy qujaty 2019 jyldyń tamyzyna deıin jaramdy bolǵan soń Reseı jaǵy beri qaraı kedergisiz jibergen.

Emshektegi jeti aılyq balasy men eki jasar sábıin ertken kelinshek Sharbaqty keden beketiniń tas edeninde túnepti. Jansaıanyń aıtýynsha shekarashylar «Búgin keshke Reseıge qaraı salyp jiberemiz, onan keıin qaıda baratynyńdy biz bilmeımiz» dep qorqytqan.

Osy iske baılanysty «Otandastar» qorynyń «Baılanys bólimi» qyzmetkerleri shuǵyl qımyldap, kóshi-qonǵa, shekara beketterine jaýapty adamdarǵa habarlasyp, 4 saǵat mólsherinde máseleni rettedi.

Jas ana qazir shekaradan tolyq ótip, Pavlodardan keletin kólikti kútip otyr.

“Adyrna” ulttyq portaly

 

Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

“Atyraý arýy-2015” qaıtys boldy

“Atyraý arýy-2015” tıtýlynyń ıegeri Gaýhar Qasaeva búgin, 19 maýsymda qaterli dertten qaıtys boldy, “Gaýhar búgin ...