Home » جاڭالىقتار » «شارباقتى» شەكاراسىندا ەكى بالالى ايەل تاس ەدەندە تۇنەگەن

«شارباقتى» شەكاراسىندا ەكى بالالى ايەل تاس ەدەندە تۇنەگەن

موڭعوليادان قازاق ەلىنە ەكى سابيىمەن كەلە جاتقان جانسايا باقىتحان ەسىمدى كەلىنشەك پاۆلودار مەن رەسەي شەكاراسىنداعى «شارباقتى» بەكەتىندە سەبەپسىز توسقاۋىلعا جولىققان.

كەلىنشەك نەگىزى قازاقستان ازاماتتىعىن الۋ ءۇشىن قولىنداعى مونعوليا پاسپورتىن جاڭارتۋعا بارىپ، شەكارادان وتە الماي، اقىرى مونعوليانىڭ ءوزىن 2017 جىلى ازاماتتىقتان شىعارىپ تاستاعانى تۋرالى انىقتاماسىن الىپ، كەرى قايتقان. شەكاراشىلاردىڭ تاپقان كىناسى «ۇزارتىلعان پاسپورتپەن وتكىزبەيمىز. مونعوليا پاسپورتىن جاڭالاپ كەل» دەگەن.

قولىنداعى قۇجاتى 2019 جىلدىڭ تامىزىنا دەيىن جارامدى بولعان سوڭ رەسەي جاعى بەرى قاراي كەدەرگىسىز جىبەرگەن.

ەمشەكتەگى جەتى ايلىق بالاسى مەن ەكى جاسار ءسابيىن ەرتكەن كەلىنشەك شارباقتى كەدەن بەكەتىنىڭ تاس ەدەنىندە تۇنەپتى. جانسايانىڭ ايتۋىنشا شەكاراشىلار «بۇگىن كەشكە رەسەيگە قاراي سالىپ جىبەرەمىز، ونان كەيىن قايدا باراتىنىڭدى ءبىز بىلمەيمىز» دەپ قورقىتقان.

وسى ىسكە بايلانىستى «وتانداستار» قورىنىڭ «بايلانىس ءبولىمى» قىزمەتكەرلەرى شۇعىل قيمىلداپ، كوشى-قونعا، شەكارا بەكەتتەرىنە جاۋاپتى ادامدارعا حابارلاسىپ، 4 ساعات مولشەرىندە ماسەلەنى رەتتەدى.

جاس انا قازىر شەكارادان تولىق ءوتىپ، پاۆلوداردان كەلەتىن كولىكتى كۇتىپ وتىر.

“ادىرنا” ۇلتتىق پورتالى

 

پىكىر جازۋ

پوچتا جاريالانبايدى. تاڭداۋلى ءورىستى تولتىرىڭىز *

*

x

Check Also

ع.مەلدەشوۆ: كوپشىلىكتىڭ پىكىرىنسىز تەرميندەر بەكىتىلمەيدى

قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ توراعاسى عالىمجان مەلدەشوۆپەن سۇحبات. – مينيستر ...