Кенияда діни рәсім құрбандарының саны 201 адамға жетті. Олар орман ішінде Исамен кездесеміз деп аштан өлуде. Бұл туралы Reuters басылымы жариялады, деп хабарлайды “Адырна” ұлттық порталы.
Аймақ билігінің хабарлауынша, Шакахол орманынан халықаралық "Қайырлы хабар" шіркеуінің ізбасарларының тағы 22 мәйіті шығарылды. Бұл қайғылы оқиғадан қаза тапқандардың жалпы санын 201-ге жетті.
Қазір Кенияның барлау агенттіктері орманның қалдықтары мен ықтимал тірі қалғандары үшін зерттеуді жалғастыруда. Сонымен бірге жүздеген адам із-түзсіз жоғалғандар қатарында.
Еске салайық, бұған дейін Кенияда “Ізгі хабар” сектасы тұрғындардың миын улап тастаған. Салдарынан олар орман ішінде Исамен кездесеміз деп аштан өліп жатыр. Ал олардың миын улап тастаған Пол Макензи Нтенге бұған дейін де бірнеше мәрте діни экстремизмге қатысы бар деген күдікпен айыпталған.
