Мәскеуде әскери шеру өтіп жатқан шақта Еурокомиссияның басшысы Урсула фон дер Лейен Киевке арнайы сапармен барды, деп хабарлайды "Адырна" ұлттық порталы.
Еурокомиссияның басшысы Урсула фон дер Лейен Киевте жүр.
"Қайтадан Киевке табан тіреген жақсы болды. Киев бізге мерей-мәртебе болған, біз қызғыштай қоритын құндылықтарға толы. Сондықтан да Киев Еуропа күнін тойлаудың нағыз саяси нүктесіне айналуға лайық", - деді саясаткер.
Саясаткер Украина президенті Владимир Зеленскийдің 9 мамыр күнін Еуропа күні ету туралы шешімін құптады. Әлеуметтік желіде Зеленскийдің:
"Мен Украинада жыл сайын 9 мамырда атап өтілетін Еуропа күнін белгілеуді бұйырамын", - деген бұйрығының мәтіні жарық көрді.
Естеріңізге сала кетейік, Зеленский Украинада 9 мамыр күнін Еуропа күніне айналдырып, Жеңіс күнін 8 мамырға ауыстыруды ұсынды. Президент бұл қадамның "Еуропа халықтарының бірлігін нығайту мақсатында" жасалып жатқанын мәлімдеді.
Еуропада Жеңіс күні 8 мамырда атап өтіледі.
"Адырна" ұлттық порталы
