СҚО әкімі Айдарбек Сапаров Петропавлда өрттен зардап шеккендермен кездесу барысында олардың баспанамен қамтамасыз етілетінін айтты, деп хабарлайды "Адырна" порталы.
Аймақ басшысы өрттен зардап шеккендермен кездесті. Олар №25 мектеп жанындағы эвакуациялық пунктке уақытша ауыстырылды.
Арнайы комиссия құрылғаны мәлім болды.
Бұл ретте зардап шеккендердің барлығына түнеу үшін тамақ пен жатын орын берілді. Бүгін олар уақытша баспанамен қамтамасыз етіледі.
Айта кетейік, бір күн бұрын Петропавлда өрт жеті тұрғын үйді шарпыған болатын. Облыстық Төтенше жағдайлар департаментінің мәліметі бойынша, 7 мамыр күні сағат 18.57-де 5-Сенная көшесіндегі ашық алаңда (жел екпіні 23 м/с, екпіні 23-ке жететін екпінді желдің әсерінен өрт қауіптілігі 4 класс) қамыс өртенді. Өрт жақын маңдағы жеке тұрғын үйлерге тарады.
"Адырна" ұлттық порталы
