Америкалық Global Finance Magazine басылымы 185 мемлекетті қамтитын әлемдегі ең бай елдердің рейтингін (The Richest Countries in the World) жасады. Бұл тізімде еліміз көш бастады, деп жазады "Адырна".
Орталық Азия елдері арасындағы бұл рейтингте Қазақстан 50-ші орынға ие болды. Түркіменстан 77-орында болса, Өзбекстан 127, Қырғызстан 142 және Тәжікстан 153 орынға ие болды.
Тізімде Катар әлемдегі ең бай мемлекет деп танылды. Екінші орында Люксембург, үшінші орында Сингапур.
Ең кедей елдердің қатарына Малави, Конго, Орталық Африка Республикасы кірді.
Тізім Дүниежүзілік банк пен Халықаралық валюта қорының деректері негізінде жасалған. Басылым елдердегі өмір сүрудің салыстырмалы құны мен инфляция деңгейін ескере отырып, жан басына шаққандағы сатып алу қабілеті бойнша тұжырым жасаған.
"Адырна" ұлттық порталы
