Аса ауқымды көлемде "Қазтрансгазаймақтың" металл құбырларын ұрлаған үш азамат ұсталды, деп хабарлайды "Адырна" ұлттық порталы ішкі істер министрлігінің ақпаратына сүйене отырып.
"21 сәуірде Атырау облысы полиция департаменті мен прокуратура "Индер-Махамбет" магистральдық газ құбырларын заңсыз тасып, "ҚазТрансГазАймақ "АҚ Ұлттық компаниясы қорына ірі залал келтірген 1978, 1984, 1988 жылғы күдіктілерді анықтап, ұстады", - деп жазылған.
Қазір сотқа дейінгі тергеп-тексеру ҚР ҚК 188-бабының 4-бөлігі бойынша жүргізіліп, құбыр тасыған азаматтардың ісі бөтеннің мүлкін аса ірі көлемде ұрлау фактісі бойынша қарастырылып жатыр.
"Күдіктілер тергеу изоляторына қамалды" - деп хабарлады полиция мамандары.
"Адырна" ұлттық порталы
