Ресей алғаш рет Қазақстандағы орыс театрларына қаржылай көмек көрсетеді. Бұл туралы РФ Мәдениет министрінің орынбасары Алла Манилова айтты, деп хабарлайды «Адырна» тілшісі.
Тізімге Ақмола облыстық орыс драма театры, Қарағанды облыстық К.Станиславский атындағы драма театры және М.Лермонтов атындағы республикалық драма театры енді.
«Биыл президент шешімінің арқасында ТМД елдеріндегі орыс театрларына тікелей қаржылық қолдау көрсетеміз»,— деді Манилова Федерация Кеңесі мен ҚР Парламенті Сенаты арасындағы ынтымақтастық жөніндегі комиссия отырысында.
Басқарма бастығының орынбасары әр мекемеге ең заманауи дыбыстық театр жабдықтарын сатып алу үшін бес миллион рубль (27 миллион теңге) бөлінетінін атап өтті.
