Футболдан Дания құрамасының Қазақстан туын шатастырған посты желіде дау тудырды, деп хабарлайды “Адырна” ұлттық порталы Vesti.kz сайтына сілтеме жасап.
Дания құрамасының «Астана Аренада» Қазақстанға қарсы өтетін бүгінгі ойынын жариялаған басылымы көптің ашуын туғызды.
Қазақстан туының дизайнын өзгертіп қойған посттың астына жазған бірнеше пікірден кейін даниялықтар Қазақстанның нағыз туын бейнелейтін басылымын қайта шығарды.
Бұл Қазақстанның туының интернетте кездесетін стильдерінің бірі ғана болса керек.
Мысалы, Швейцарияда орналасқан Халықаралық азаматтық қорғаныс ұйымының (ХҚҰҰ) сайтында Қазақстанның туы осындай стильде бейнеленген.
Тудың дәл осындай нұсқасы ресейлік спорт сайттарының бірінде де қолданылған еді.
