Гаага сотының Путинді қамауға алу туралы бұйрығына "төзбеген" Путиншіл билік өкілдері науқандасып, өре түре келді. Олар Гаага сотындағы Путинге тағылған айыпты әр ресейлікке жабылған жала, "маңдайын қарс айырған найза" деп есептейтіндерін жеткізді. Оған қарсы ұжымдасып, флешмоб бастады, деп хабарлайды "Адырна" ұлттық порталы.
"ЯМыПутин" және "Жау, есіңде болсын! Біз бәріміз қазір Путинбіз" сынды қағаздар әлеуметтік желіні шарлап жүр. Оларға бастамашы болған - "Единая Россия"-ның жас гвардиясы, шенеуніктері мен белсенділер.
Естеріңізге сала кетейік, Гаагадағы Халықаралық қылмыстық сот Ресей президенті Владимир Путинді тұтқындауға ордер берді. Путинге қоса, Ресейдің бала құқықтары жөніндегі уәкілетті өкілі Мария Львова-Белованы да тұтқындауға пәрмен берілген болатын.
"Адырна" ұлттық порталы
