Владимир Путин Кремльде Си Цзиньпинмен кездесуінде Ресей Қытайдың Украинадағы жағдайды реттеу жоспарымен мұқият танысып шыққанын айтты, деп жазады "Адырна" ұлттық порталы.
"Біз сіздің Украинадағы өткір дағдарысты шешуге арналған ұсыныстарыңызбен мұқият таныстық. Әрине, біздің бұл мәселелерді талқылауымызға мүмкіндік болады. Сіздің әділеттілік пен халықаралық құқықтың негізгі ережелерін сақтау және барлық тараптар үшін бөлінбейтін қауіпсіздік қағидаттарын ұстанатыныңызды білеміз. Біздің әрқашан келіссөздер процесіне ашық екенімізді де білесіздер. Біз осы мәселелердің барлығын, оның ішінде сіздің бастамаңызға құрметпен қарап, талқылайтын боламыз", - деді Путин.
"Адырна" ұлттық порталы
