Қазақстанның бірінші ракеткасы Елена Рыбакина Masters стартында жеңіске жетті, деп хабарлайды “Адырна” ұлттық порталы.
Ол Индиан-Уэллстегі турнирдің екінші раундтық кездесуінде Australian Open-2020 чемпионы америкалық София Кенинді жеңді.
2 сағат 8 минутқа созылған кездесу 7:6 (8:6), 7:6 (7:5) есебімен аяқталды. Еленада алты эйс, жеті қосарланған қате және жетіден екі орындалған үзіліс ұпайы бар.
Келесі айналымда Рыбакина Нурия Парризас-Диас/Паула Бадоса жұбының жеңімпазымен ойнайды.
Еске салайық, Индиан Уэллс байқауының жалпы жүлде қоры 8 800 000 долларды құрайды.
