Home » جاڭالىقتار » بيلىك بەس قىز اجال قۇشقان استاناداعى ءورتتىڭ سەبەبىن ايتتى

بيلىك بەس قىز اجال قۇشقان استاناداعى ءورتتىڭ سەبەبىن ايتتى

ءبىر وتباسىنداعى بەس بالانىڭ اجالىنا سەبەپ بولعان ءورت شىققان ءۇي. استانا، 5 اقپان 2019 جىل.

توتەنشە جاعدايلار كوميتەتى استانادا بەس قىز قازا تاپقان ءورت سەبەبىن اتادى . بۇل تۋرالى استانا تەلەارناسى حابارلادى.

ءورت قاۋىپسىزدىگى سالاسىن باقىلاۋ جانە الدىن الۋ باسقارماسىنىڭ باستىعى جاسۇلان اقتاەۆتىڭ سوزىنشە، مۇرجانىڭ دۇرىس ورناتىلماۋى ورتكە سەبەپ بولعان.

“مۇرجانى ورنالىستىرۋ كەزىندە ءورت قاۋىپسىزدىگى ەرەجەلەرى بۇزىلعان. ءۇيدىڭ توبەسى مەن مۇرجانىڭ اراسىندا بوس جەر بولماعان. سونىڭ سالدارىنان پەشتى پايدالانعان كەزدە ءورت شىققان” دەدى ول.

توتەنشە جاعدايلار كوميتەتى وكىلى ءورت بولاردان ءبىر اپتا بۇرىن ۋاقىتشا باسپانانى كوميتەت قىزمەتكەرلەرى تەكسەرگەنىن حابارلاعان. بىراق اقتاەۆ تەكسەرۋ كەزىندە ءۇيدىڭ ءورت قاۋىپسىزدىگى تالاپتارىنا قانشالىقتى ساي بولعانى تۋرالى ەشتەڭە ايتپادى. ونىڭ سوزىنشە، “تۇرعىندار تەكسەرۋشىلەردى كوبىنە ۇيلەرىنە كىرگىزبەيدى”.

كوميتەت وكىلىنىڭ سوزىنشە، قازاقستاندا جىلىنا 15 مىڭعا جۋىق ءورت تىركەلەدى. 2019 جىلى ءبىر ايدا 116 ادام ورتتەن قازا تاپقان.

No media source currently available

0:000:01:000:00

 جۇكتەپ الۋ 

4 اقپانعا قاراعان ءتۇنى استانانىڭ كوكتال-1 شاعىن اۋدانىندا جەكە ءۇيدىڭ اۋلاسىنداعى ۋاقىتشا باسپانا ورتەنىپ، ءبىر وتباسىنداعى 2006، 2008، 2013، 2015 جانە 2018 جىلى تۋعان بەس قىز بالا وپات بولعان ەدى.​

ورتتەن سوڭ استانا اكىمى باقىت سۇلتانوۆ شۇعىل كەڭەس وتكىزىپ، اۋدان اكىمدەرىنەن پوليتسيا جانە توتەنشە جاعدايلار دەپارتامەنتتەرىمەن بىرلەسىپ دەرەۋ قالاداعى جەكە تۇرعىن ۇيلەردى ارالاپ شىعۋدى جانە ءار ءۇيدىڭ ءورت قاۋىپسىزدىگى تالاپتارىنا سايكەستىگىن تەكسەرۋدى تالاپ ەتكەن. اكىم “بۇل سىزدەردىڭ قاتەلىكتەرىڭىز” دەپ توتەنشە جاعدايلار قىزمەتىن سوككەن.

وسى وقيعادان كەيىن كوپ بالالى انالار نارازىلىعى كۇشەيگەن. ەلدەگى ءورت قاۋىپسىزدىگىنە سىن ايتىلا باستاعان.

پىكىر جازۋ

پوچتا جاريالانبايدى. تاڭداۋلى ءورىستى تولتىرىڭىز *

*

x

Check Also

پاۆلوداردا نە اتىس بولىپ جاتىر؟

پاۆلودار وبلىسى، شارباقتى اۋدانىنىڭ جىلىبۇلاق اۋىلىندا جەرگىلىكتى تۇرعىندار مەن قۇقىق قورعاۋ قىزمەتكەرلەرى اراسىندا اتىس بولىپ، ...