Жуырда оюдың 700-ден астам түрі енгізілген жинақ шығады. Бұл туралы ҚР Мемлекеттік кеңесшісі Ерлан Қарин өзінің Instagram парақшасында хабарлады, деп жазады "Адырна" ұлттық порталы.
"Қазақ мәдениеті мен өнерінің жұмбағы толық ашылмаған бағыттарының бірі - ою-өрнек. Тіпті оюларды жеке бір әлем деп айтсақ та болады. Әр оюдың өз атауы мен мағынасы бар, ал бір бірімен жалғасқанда олар бір жасырын үндеу секілді мазмұн беруі мүмкін. Балбалтастарды суретке түсіріп жүргенімде ою тақырыбы да кенет қызықтырып, он жыл осы бағытта іздендім. Сол ізденістің бір нәтижесі ретінде жуырда оюлардың каталогын шығарамыз. Бұл жинаққа оюлардың 700-ден астам түрі енгізілді",- деп жазды Қарин.
"Адырна" ұлттық порталы
