Ақтауда пальмалар құлай бастады

2810
Adyrna.kz Telegram

Ақтауда пальмалар құлай бастады. Тұрғындар жағалау белдеуінде балюстрадалардың бойында жатқан жасанды жапырақтарды суретке түсіріп жатыр. Бұл туралы Lada.kz басылымы жариялады, деп хабарлайды “Адырна” ұлттық порталы. 

Қала тұрғындарының айтуынша, қатты желдің салдарынан 15 шағын ауданның жағалауындағы көптеген жасанды пальмалардың жапырақтары жұлынып кеткен.

"Жапырақсыз пальма ағашы жұпыны болып көрінеді. Ауа-райы әлі бұзылады, жағалаудың сәні болып тек жалаңаш діңдер қала ма?,- деп шағымданды Аделя 5 шағын ауданының тұрғыны.

Көп пальмаларда жапырақтардың басым бөлігі түсіп қалған.

Еске салайық, Ақтаудағы 14-ші шағын аудандағы алғашқы пальмалар 2019 жылдың ақпан айының ортасында пайда болды. Қалада әр 15 метр сайын жағалау бойымен 100 пальма ағашы орнатылды. Әрқайсысының биіктігі – 11 метр.

Пікірлер