Home » Jańalyqtar » Túrkııa Qytaıdan lagerlerdi jabýdy talap etti

Túrkııa Qytaıdan lagerlerdi jabýdy talap etti


Resmı Ankara Qytaıdan Shyńjańdaǵy “saıası tárbıeleý ortalyqtaryn” jabýdy talap etti. Túrkııa syrtqy ister mınıstrliginiń 9 aqpanda jarııalaǵan málimdemesinde Shyńjańdaǵy lagerlerdi “azaptaý ortalyǵy” dep ataǵan.

Túrkııa syrtqy ister mınıstrliginiń ókili Hamı Aksoı “mıllıonnan astam uıǵyr azaptaý ortalyqtarynda qamalǵany qazir qupııa emes. Qamaýǵa alynbaǵandarǵa qysym kóp. 21 ǵasyrda lager ashý, Qytaı bıliginiń uıǵyrlardy qýdalaýy – adamzatqa jasalǵan qylmys” degen.

Túrkııa Shyńjańdaǵy jaǵdaıǵa BUU jedel aralasýy kerek dep sanaıdy.

Shyńjań aımaǵyndaǵy lagerler jaıly alǵash ret 2017 jyldyń kókteminde aıtala bastaǵan. BUU Shyńjańdaǵy “saıası tárbıeleý ortalyqtarynda” mıllıonǵa jýyq adam “erkinen tys” qamaýda otyrǵanyn málimdegen.

Qytaı úkimeti basynda bul ortalyqtardyń baryn joqqa shyǵaryp keldi. Keıin Pekın qysymdy “ekstremızmge qarsy shara” dep málimdedi jáne “qamalǵandar til úırenip, kásip meńgerip shyǵatynyn” aıtty.

Qazaqstandaǵy qazaqtar da Almatyda birneshe ret jıyn ótkizip, Qytaıdaǵy jaqyndarynyń jappaı qamalyp jatqanyn aıtqan. Olar Qazaqstan bıliginen, halyqaralyq uıymdardan kómek suraǵan.

Byltyr jeltoqsannyń sońynda Pekın birneshe eldiń elshilerin Shyńjańǵa aparyp, “saıası tárbıeleý ortalyqtaryn” kórsetken. Lagerge barǵandardyń arasynda Qazaqstan elshiliginiń qyzmetkeri de bar. Ol Shyńjańdaǵy saıası tárbıeleý ortalyǵynda “jaǵdaıdyń jaqsy” ekenin aıtqan.

“Azattyq” radıosy

Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

Qazaqstanda alǵash ret: Oralda kelinshek egizderdiń bireýin araǵa 2 aı salyp bosandy

Dárigerler mundaı jaǵdaı Qazaqstanda alǵash ret tirkelip otyr deıdi Oral qalasyndaǵy oblystyq perınataldyq ortalyqta erekshe ...