Home » Aıdarlar » Qoǵam » “Bolashaqtan” nege úmit joq?

“Bolashaqtan” nege úmit joq?

“Bolashaqty” bitirip kelgen jastar nege bir texnologııa oılap tappaıdy degen pikirler basym. 25 jyl bolǵan baǵdarlamaǵa qoıar xalyqtyń suraǵy da, kúteri de kóp. Oryndy syndar da aıtylady.

Meniń ózimniń jeke pikirim, AQSh ne Evropada “Bolashaqpen” emes, sol sheteldiń grantyn utyp alyp, óz kúshimen bitirip kelgen jastardan kóp nárse kútýge bolady. Sebebi, sheteldiń myqty oqý oryndarynan grant alý úshin ne týma talantyń, ne basyń isteýi kerek.

“Bolashaqtyń” túlekteri bizder baıdyń balalary sekildimiz. Baı ári bıznesmen áke óz balasyna qalaı aqsha shashyp oqytsa,
bizdiń “Bolashaq” túlekteriniń bıznesmen ári baılyǵy tasyǵan, oqý aqysyn tóleıtin ákemiz – memleket. Shetelge ne aqsha tóleseń jáne aǵylshyndy tıisti deńgeıde bilseń boldy. Oqý oryndarynyń kóbi jeke menshik. Olarǵa da aqshasyn aıamaı quıatyn baıdyń balalary kerek. Taǵy bir kemshilik, “Bolashaqqa” túsýdiń negizgi krıterıılerine tildi bilý (onyń ózinde qosymsha til kýrsyna jiberedi) men dıplomnyń ortasha baly mańyzdy. Balanyń tildi jaqsy bilýi ol “talantty” degen sóz emes. Aǵylshyny saırap turyp biraq ózinde ónertapqyshtyq talant ne kreatıvti oılaý sanasy qudaıdan ne mekteptegi muǵalimnen berilmese bári beker. Dıplomnyń ortasha balyn kelisip sheshe salý da Qazaqstanda problema emes. Sabaqqa qatyspaı emtıxanǵa biraq baryp, beretinin berip, baǵany alyp kete berýge bolatyn bilim júıemiz bar.

О́zimniń jeke pikirim, “Bolashaqqa” jastardy qabyldaýda til deńgeıine emes (tildi oqýdy bastamaı turyp báribir oqytyp jatyr) talantyna, shyǵarmashylyq jetistikterine, logıkasy men qabiletine basymdyq beretin jańa krıterıılermen qabyldaǵan jón dep oılaımyn.

Mysaly, “Barselona” klýby Messıdi bala kezinde ıspan tilin jaqsy bilgeni úshin ósirip baptamady ǵoı. Messıdi naqty alańǵa shyqqanda dopty qalaı ıgeretin talanty, daryny men qabileti úshin qataryna alyp, álemniń úzdik fýtbolshysy deńgeıine shyǵardy. Álemniń úzdigi bolatynyn aldyn-ala tanı da bildi. “Bolashaqqa” da osy sekildi naqty krıterıılermen 5-6 klasta oqıtyn fızıka, xımııa, matematıka, astronomııa syndy ǵylymdardan talantty balalardy tizimge alyp, 11 klasty bitirgenshe qandaı olımpıada ne xalyqaralyq jarystarǵa qatysty, qandaı júldege ıe boldy, bir texnologııa qurastyra bildi me, daryny men qabileti bar ma degen suraqtardy qoıyp baryp qabyldaıtyn, sıstemnyı podxodpen qazaq jastarymen jumys jasaıtyn júıelilik qajet. Sol kezde tildi bilgender emes, basy isteıtin talanttar, naqty jetistikke jetetin daryndy jastar alǵa shyǵyp birdeńe ózgerýi múmkin. Tildi jaqsy bilý, sóıleý ol talantty ne daryndy ekendigińizdiń kórsetkishi emes. Siz bar bolǵany tildi bilesiz. Boldy! Aǵylshyndy keremet bilse erteń “Nobel” syılyǵyn alatyn jańalyq ashady degen sóz emes. Shynaıy ómirde texnıkalyq progresti tildi keremet meńgergender emes, basy isteıtin, naqty jumysyn biletin talanttar men daryndar jasaıdy.

Baýyrjan Serikbaev

Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

Arystyń balalaryn uryp-soqqan kim? (vıdeo)

Arystaǵy jarylystankeıin jergilikti balalardy demalys-saýyqtyrý lagerlerine jibergen bolatyn. Keıbireýi basqa oblystarda demaldy. Jańa oqý jyly ...