Home » Sport » Qanat Islam: Pakıao “boksty tasta” dese tyńdar edim

Qanat Islam: Pakıao “boksty tasta” dese tyńdar edim

Qazaqstandyq kásipqoı boksshy Qanat «QAZAQ» Islam (25-0, 20 KO) qazirgi jaǵdaıy jáne kezekti jekpe-jegin qashan ótkizetini týraly aıtty.

– Jeltoqsan aıynda jekpe-jek ótkizýge usynystar boldy. Daıyn bolsam, osy aıda da judyryqtasar edim. Dárigerler sál qorqytyp aıtady. Jaqsy bolyp jatqanymdy sezsem, múmkin mamyr aıynda jekpe-jek ótkizermin.

Maǵan qazir Pakıao kelip “Qanat, qaıtesiń boksty. Saǵan bolmaıdy, tastap ket” dese oılanar edim. Al ózi kásipqoı bokstyń ne ekenin bilmeıtin, rıngke shyqpaǵan, murny qanamaǵandar saǵan baǵa berse “ketshi ary, nanyńdy jeshi” deısiń ǵoı.

Sońǵy 7-8 aı qıyndyqqa toly boldy. Artymyzdan erip kele jatqan inilerimizge osyndaı bir qıyndyqtardan ótý arqyly úlgi bolamyz dep oılaımyn, – dedi Qanat Islam SERIK NOYAN LIVE Youtube-arnasyna bergen suqbatynda.

Aıta keteıik, Qanat Islam bolsa sońǵy kezdesýin 2017 jyldyń qyrkúıek aıynda ótkizip, kanadalyq Brendon Kýkty (20-2, 13 KO) tehnıkalyq nokaýtpen jeńgen bolatyn.

“Alaman” sport portaly

Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

“Qaırattyń” eks-fýtbolshysyn óltirip ketti

“Qaırat” fýtzal klýbynyń burynǵy oıynshysy Dýglas Nýnes da Sılvaǵa belgisiz bireýler túngi klýbtan shyǵyp bara ...