Зират басындағы құлпытастарға QR-код орнатыла ма?

3263
Adyrna.kz Telegram
Фото: El.kz
Фото: El.kz

​Енді зират басындағы құлпытастарға QR-код орнатылуы мүмкін. Бұл туралы Қазақстан мұсылмандар діни басқармасының өкілі Ағабек Қонарбайұлы пікір білдірді, деп хабарлайды "Адырна" ұлттық порталы.

Іnbusiness.kz сайтының мәліметінше, енді зират басындағы құлпытастарға QR-код орнатылуы мүмкін.

"Жалпы QR - әлемнің дамыған елдерінің бәрінде бар тәжірибе. Мәселен, зират басындағы құлпытасқа QR орнатылады. Осы QR-ға ұялы телефонды жақындатып, өмірден озған азамат туралы толық мәлімет алуға болады. Айталық, қандай адам, нендей қызмет істеген, қандай өнегелі істері бар, қай өңірдің тумасы деген сынды сауалдарға қатысты толық мағлұмат ала аласыз. Осы үшін жасалған дүние. Бұл тәжірибе ретінде елордадағы шамамен 20 зираттағы құлпытасқа орнатылған", - деді Ағабек Қонарбайұлы.

Cөзінше, құлпытасқа QR орнату азаматтың өтініші болған кезде ғана жасалады.

Пікірлер