“Алтын әкелді”: Қарағандылық жеңіл атлеттер Азия чемпионы атанды

5028
Adyrna.kz Telegram

Қарағандылық спортшылар Давид Ефремов, Вячеслав Земс, Аделина Земс және Кристина Кондрашова жеңіл атлетикадан жабық ғимараттарда өткен 10-шы Азия чемпионатында өнер көрсетіп, Қазақстан құрамасының қоржынына алтын әкелді. Бұл туралы Қарағанды облысы әкімдігінің баспасөз қызметі хабарлады, деп жазады “Адырна” ұлттық порталы. 

Құрлықтық біріншілік алғаш рет Қазақстанда өтті. Астанаға 30 елден 500-ден астам спортшы жиналды.

Жарыстың үш күнінің қорытындысы бойынша Қазақстан құрамасы 12 медаль жеңіп алды – алты алтын, үш күміс және үш қола. Төрт қарағандылық спортшы Азия чемпионы атанды.

Олардың қатарында кедергілермен 60 метрге жүгіруде алтын алған Ефремов Дэвид бар.

Михаил Литвин, Эльнор Мухитдинов және Андрей Соколовпен бірге Қазақстанға 4×400 метрлік эстафетада жеңіс әкелген Вячеслав Земс. Бұл квартет елдің жаңа рекордын орнатты.

Сол эстафетада тек әйелдер арасында бірінші болып қарағандылық Аделина Земс пен Кристина Кондрашова шықты.

Қазақстан құрамасының спортшылары 2023 жылғы Азия біріншілігінің медальдық есебінде екінші орын алды. Бірінші болып Жапония өкілдері – 15 медаль (алты алтын, бес күміс, төрт қола). Үздік үштікті Катар командасы қорытындылады – сегіз медаль (екі алтын, төрт күміс және екі қола).

”Адырна” ұлттық порталы

Пікірлер