Түркістан әкімі жауап берді

2063
Adyrna.kz Telegram

2019 жылғы 30 қаңтарында "Адырна" ұлттық порталындаа «Түркістанда тұрғын үй дауы. Жер мемлекетке керек пе? Әлде, бизнеске ме?" атты материал жарияланды, соған орай, төмендегіні хабарлаймыз:

Материалдағы шағымданушылар Түркістан қаласы Рабиға Сұлтан
бегім көшесінің 12/1 үйін жалдап тұрған азаматтар, бұл үйде заңды
тіркелмеген.
Аталған үйдің заңды иесі Омаров Мұхамеджан өз үйін мемлекет
мұқтаждығы үшін беруге бағалау құнымен (9 млн. 656 мың теңге) келісіп,
тиісті өтемақы мемлекет тарапынан есеп шотына аударылған. Үй 1970
жылғы жапсарлас типті салынған. Тұрғын жай 82 шаршы метрді құрайды.
Жер көлемі – 0,0063 га.
Келісім берген заңды иесі М.Омаров үйдің бұзылатындығы туралы жалдап
тұрған отбасыға алдын ала бірнеше күн бұрын ескерткен.
Сонымен қатар, 2019 жылғы 29 қаңтар күні осы үйдің жапсарласы Р.Сұлтан
бегім 12/2 үй (иесі Оглай Аллабергенова үйі 11 млн. 392 мыңға бағаланған,
қаржысын алған) бұзыла бастағанда 12/1 үйдің тұрғындарына ескертілген.
Үй бұзылмай тұрып, тұрғындардың көшуіне және басқа үй жалдауына
әкімдік тарапынан қаржылай көмекте берілген. Бірақ осы жағдайларды
ескерместен аталған үйдің тұрғындары көршілерімен ұйымдасып, жағдайды
өз бетінше ушықтырып, ұялы телефонға түсіріп, әлеуметтік желілерге салған.
Тұрғын үйді жалдап тұрушы Жандос Нарымбайдың анасы «қан
қысымым көтерілді» деп, жедел жәрдем шақырған. Келген жедел жәрдем
автокөлігіне отырып, жарты жолдан өз еркімен түсіп қалған.
Түркістан қаласы әкімінің орынбасарлары Т. Мұсаев, Е.Ахметов және
жауапты мамандар аталған мекен-жай бойынша тұратын пәтер
жалдаушылармен сөйлесіп, түсіндіру жұмыстарын жүргізді.
Тұрғын үйді бұзу жұмыстары арнайы техниканың көмегімен емес
(бульдозер емес) жұмысшы адамдардың көмегімен қолма-қол бұзылған.
Бүгінгі таңға Р.Сұлтан Бегім 12/1, 12/2 үйлер толығымен бұзылып,
материалдары тұрғындардың сұранысы бойынша тиісті мекен жайға
жеткізіліп берілді.

Түркістан қаласы әкімінің баспасөз қызметі

Пікірлер