Түркия мен Сирияда болған зілзала салдарынан жан тәсілім еткендердің саны артты. Соңғы мәліметтер бойынша, "қатты толқыған топырақтың" құшағында, өкірішке қарай, 23 мыңнан астам адам ажал құшты, деп хабарлайды "Адырна" ұлттық порталы.
Түркиядағы жер сілкінісінің құрбандары - 20 213 адам. Сирияда қаза тапқандар саны 3500-ге өсті, деп хабарлайды Reuters.
Қос елде табиғи апаттан 80 мыңнан астам адам зардап шекті. Қазақ елі тұтас адамзаттың трагедиясына айналған оқиға зардабын еңсеруге ортақтасып жатыр. Құтқарушылар тобы мен дәрігерлер Түркия топырағында аяқтан тік тұрып, халыққа қалтқысыз қызмет етуде.
6 ақпанда, таңертең, Түркия мен Сирияда 7,6 балдық жер сілкінісі болды. Осыдан кейін де мұнда кем дегенде тағы 10 жер сілкінісі сезілген еді.
"Адырна" ұлттық порталы
