Бүгін Қасым-Жомарт Тоқаев Жамбыл облысына ресми сапары кезінде өңірдің зиялы қауым өкілдерімен сөйлесіп, еліміз дамып, өркендеуі үшін алдағы саяси науқандар кезінде ең алдымен, ауызбіршілік қажет екеніне назар аударды, деп хабарлайды «Адырна» тілшісі.
– Ең басты мәселе – әділ, ашық болу керек. Осындай лайықты адамдар біздің Парламентке келсе, еліміздің дамуына үлес қосады деп үміттенемін. Дүниежүзінде болып жатқан жағдайды өздеріңіз жақсы білесіздер. Ішкі саясат та, сыртқы саясат та сындарлы, салмақты болуы керек. Ең басты міндетіміз – мемлекеттілігімізді сақтап қалу. Сын-қатерлер аз емес. Сондықтан бәріміз бір ел, бір халық, бір ұлт болып ұйысып, ел үшін қызмет етейік, – деді Президент.
