“Жазықсыз”: 8 жылға сотталған Іңкәрбекованың анасы Президенттен көмек сұрап, видео жолдады

906
Adyrna.kz Telegram
Фото: видеодан алынды
Фото: видеодан алынды

8 жылға бас бостандығынан айырылған  Дана Іңкәрбекованың анасы Алтын Қасымқызы Президенттен көмек сұрап, видео жолдады. Ол қызына жазықсыз жала жабылып, темір торда отырғанына қапалы, деп хабарлайды “Адырна” ұлттық порталы.

Анасының айтуынша, сотта әділдік болмаған соң, Президентке үндеу жолдауды жөн көрген.

“Құрметті Кемелұлы Қасым-Жомарт Тоқаев! Біз, Дана Іңкәрбекова мен Әлімқұлова Айымкүлдің туыстары Жамбыл облысы, Тараз қаласының N2 сотының «заңсыздығынан» сізге өтініш білдіреміз. Өйткені, Жамбыл облысы, Тараз қаласының N2 сотының 2022 жылғы 24 ақпандағы үкімімен Д.С.Іңкәрбековаға 8 жыл мерзімге бас бостандығынан айыру жазасын кесіп, жазасын қауіпсіздігі орташа түзеу мекемесінде өтеуге тағайындалған. Ол қазіргі уақытта мерзімін өтеп жатыр.

Өйткені, Тараз қаласындағы N51 мектептің бас есепшісі Г.Үркімбаева 2006-2019 жылдар аралығында 92 миллион теңге бюджет қаражатын жымқырған. Оның 15-ін достары мен туыстарына аударған. Оның ішінде Г.Үркімбаева, Ұлттық қауіпсіздік комитетінің қызметкерінің әйелі, Г.Үркімбаеваның құрбысы А.Боранбекқызы болды. Сондықтан ол әйелін антикоррозияға қарсы агенттікке арызбен дереу жүгінуге мәжбүрлеген. Антикорға арыз жазылды, қандай да бір себептермен іс арнайы прокурорға берілді ме?

Істі қарау барысында 2019-2020 ж.ж Г.Үркімбаева, Дана Іңкәрбекова мен Айымкүл Әлімқұлованың кінәсіздігі дәлелденіп, істі арнайы прокурор Сағат Сүттібаев жауып тастады. Осы кезде Жамбыл қалалық сотының бұрынғы судьясы Г. Үркімбаеваның күйеуі әрі қорғаушысы Әлиакпар Ибраев Бас прокуратураға арыз түсіріп, істі қаланың N2 соты қайта бастады. Тараз қ. Сот үкімінде айыптау ретінде «ЭСҚ қол қойған», «тергеу анықтамаған», «бір топ адамдардың алдын ала келісімі бойынша» деп сипаттайды, бірақ қылмыстық іс материалдарында бірде-бір факті, Іңкәрбекованың кінәсін дәлелдейтін дәлел жоқ.

Бірінші сатыдағы сот айыптауға негіз ретінде тек Г.Үркімбаеваның айғақтарын алған екен. Г. Үркімбаева Д.Іңкәрбекова мен А.Әлімқұловқа жала жауып, ұрланған бюджет ақшасының көлемін азайту, барлық сотталушыларға бөліп беру мақсатында жала жапқан. Сотта Елеусінова Назгүл: «3 жыл бұрын мен небәрі 19 жаста едім, Гүлнар Үркімбаева N51 мектепте тәлімгер болды. Осы жылдар бойы Г.Ұрқымбаеваның басшылығымен бюджет ақшасын ұрлап жүрген тағы екі адам: Үркімбаеваның келіні Әлібекова  және мен Н.Елеусінова, No51 мектеп директорының жиені Б.Сапаралиева. Мен мұндай жауапкершілікті мойныма алып, тергеу мен сотты адастырғым келмейді. Жазықсыз адамдарға жала жапқым келмейді. Бұл іске Іңкәрбекова мен Әлімқұлованың қатысы жоқ», деп айтқан еді.  Бірақ бұл сөзді судьялар назарға алған жоқ.

2022 жылдың 29 қыркүйегінде Жоғарғы Сот кассациялық шағымды қарап, адвокаттардың сөзін тыңдаған олар: «Бұл істі қарамаймыз!» деп белгісіз себептермен сот залынан шығып кетті. Кейіннен мерзімдер бұзылып, судьялар Р.Қ.Жакудина, Қ.Ж.Нұрышев, Н.М.Рахметуллина қатысқан Жоғарғы Сотты қараудан бас тарту туралы жауап алдық”,- делінген хатта.

Сондай-ақ, Іңкәрбекованың анасы жаланың құрбаны болып кеткеніне 2 жыл болған қызының ісін қайта қарауды сұрады.

“Құрметті Кемелұлы Қасым-Жомарт Тоқаев! Қазақстан Республикасы Конституциясының кепілі ретінде әділеттілікті орнатуыңызды сұраймыз! Жамбыл облысы Тараз қаласының N2 сотының 2021 жылғы 06 сәуірдегі Д.С.Іңкәрбекова мен А.Н.Әлімқұловаға қатысты заңсыз үкімінің күшін жоюыңызды сұраймыз. Г.Үркімбаева, Н.Елеусінова кінәларын мойындады. Сотталушы Іңкәрбековп Дана Сершибаевнаға, Әлімқұлова Айымкүл Нүрпейісқызына қатысты қылмыстық құқық бұзушылық әрекеттерінің болмауына байланысты қозғалған қылмыстық істі тоқтатып, аналарды отбасыларына қайтаруға ықпал етуіңізді сұраймыз!”,- деді анасы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket