"Қазақша сөйлеу - ұлтшылдықтың көрінісі, мәдениеттің белгісі емес" деп қазақ тілін қорлаған Мухоряповқа қатысты іс тоқтатылды. Бұл туралы Алматы қаласының прокуратурасы хабарлады, деп жазады "Адырна" ұлттық порталы.
«Алматы қалалық полиция департаментінің Тергеу басқармасы Қылмыстық кодекстің 174-бабы 1-бөлігімен тіркелген қылмыстық іс бойынша сотқа дейінгі тергеу амалдарын жүргізді. Соталды тергеу нәтижелері бойынша қылмыстық қудалау органы қылмыстық құқықбұзушылық құрамы болмауына байланысты қылмыстық істі тоқтату туралы шешім шығарды. Бұл шешім ҚР Қылмыстық іс жүргізу кодексінің 2-тармағы 35-бабы 1-бөлігі бойынша қабылданды. Алматы прокуратурасы қабылданған іс жүргізу шешімімен келісті», - делінген хабарламада.
"Адырна" ұлттық порталы
