Алматыда барахолка маңындағы қоймадан өрт шықты. Бұл туралы қаланың төтенше жағдайлар департаменті жариялады, деп хабарлайды “Адырна” ұлттық порталы.
Ведомство мәліметінше, оқиға орнында өртті сөндіру бойынша жедел штаб құрылған. Өрт сөндірушілер екі учаске құрып, магистральды желілер тартылды.
Қазір көрші қоймаларды қорғау және өртті сөндіру үшін арнайы оқпандар пайдаланылып жатыр. Көрші қоймалардағы тауарлар сыртқа шығарыла бастады.
