Алматыда футболдан Журналистер Лигасы басталды. Көптен күткен бұл жарыс бұрынғылардан өзгеше. Өйткені, қатысушылардың барлығы нағыз қалам ұстағандар. Сырттан "кірмелер" жоқ.
Бір ерекшелігі, командалар "соқыр жеребе" арқылы таңдалды. Жанарбек Әшімжан, Жандос Айтбайұлы, Есей Жеңісұлы, Ақын Ордабай, Шоқан Маханов, Срайыл Смайыл бастаған қазақ журналистикасының серкелері, жеребе бойынша түскен ойыншыларға қанағат қылды. Жүзге таяу журналист доп тебетін бұл доданың бәсі де жоғары болмақ. Сондай-ақ алаң төрінен айтыстың қазіргі жұлдыздарын да көріп қаласыздар. Алдағы жексенбі бірінші тур ойындары өтеді.
"Адырна" ұлттық порталы
