Түркия республикасы, Ыстамбұл әуежайында 15 желтоқсан күні 1200 бұлғын терісін ын-шыңсыз, жасырын алып өтпек болған ресейліктер ұсталды. Олардың қолындағы мүліктің құны 1,5 миллион түрік лирасына ($80 000) бағаланды. Бұл жайды "Адырна" ұлттық порталы жергілікті "Daily Sabah" басылымына сілтеме көрсете отырып хабарлайды.
Түркияның сауда және кеден қызметі министрлігі бұлғын терілерін тасығандардың Мәскеуден Ыстамбұлға келген азаматтар екендігін мәлімдеді.
"Туристер халықаралық терминалдан шыққаннан кейінгі кедендік тексеру кезінде ұсталды. Олардың багажын сканерлеу кезінде күдікті заттар табылды, кейін тексеру платформаларына жеткізілді. Оқиғаны ресми тергеу Газиосманпашаның Бас прокуратурасында басталды", - деп жазды газет.
"Адырна" ұлттық порталы
