Қазақтан шыққан тұңғыш Олимпиада чемпионы, атақты баскетболшы Әлжан Жармұхамедов өмірден өтті. Бұл туралы ЦСКА баскетбол клубының ресми сайты хабарлады, деп жазады “Адырна” ұлттық порталы.
"Бүгін ЦСКА мен ұлттық құраманың тамаша ойыншысы Әлжан Жармұхамедов дүниеден өтті. Аты аңызға айналған Түркістан жыланы небәрі 78 жаста еді", - делінген хабарламада.
Әлжан Жармұхамедов - қазақтан шыққан тұңғыш Олимпиада чемпионы. Баскетболдан тоғыз дүркін КСРО чемпионы (1970-1978 жж, 1980 ж.), КСРО құрамасының сапында үш рет Еуропа чемпионы (1967, 1971, 1979 жж.). 1972 жылғы Мюнхен Олимпиадасының чемпионы атанды. Монреаль Олимпиадасында да қолаға қол жеткізді. 1979 жылы «КСРО-ға еңбек сіңірген спорт шебері» атағына ие болды.
«Адырна» ұлттық порталы
