Home » Aıdarlar » Adyrnama » JELTOQSAN – QAZAQSTAN TÁÝELSIZDIGINIŃ JALAÝY

JELTOQSAN – QAZAQSTAN TÁÝELSIZDIGINIŃ JALAÝY

Almaty qalasyndaǵy Dostyq úıinde Qazaqstan Táýelsizdik kúnine arnalǵan dóńgelek ústel ótti. Bul is-sharany «Adyrna» ulttyq-etnografııalyq birlestigi uıymdastyrdy. Almaty qalasynyń Ishki saıasat basqarmasy qoldaýymen iske asqan sharanyń tárbıelik máni óte zor boldy.

Jıynda qazaqtyń belgili tarıhshylary Hangeldi Ábjanov, Talas Omarbekov syndy tarıhshylar, halyqqa tanymal óner ıesi Tuńǵyshbaı Jamanqulov jáne 1986 jyly KSRO Ortalyq komıtetiniń Qazaqstannyń basshylyǵyna Reseıdiń bir oblysynyń qatardaǵy  basshysyn Qonaevtyń ornyna alyp kelgenine qarsylyq bildirip Almaty qalasynyń bas alańyna beıbit sherýge shyqqan sol kezgi jastardyń búgingi ókilderi men qoǵam qaıratkerleri jáne stýdentter, mektep oqýshylary, uzyn sany júz adamnan asa azamattar qatysty.

Jıyndy tarıh ǵylymdarynyń doktory Hangeldi Ábjanov júrgizip otyrdy. Alǵashqy sóz sol bir saıasattyń qylyshynan qan tamyp turǵan kezde totalıtarlyq júıege qarsy qamyqpaı alańǵa shyqqandardyń biri Tuńǵyshbaı Jamanqulovqa berildi. Qazaqtyń betke ustar azamattarynyń biri sol kez týraly estelikterin ortaǵa sala otyryp Qazaqstannyń búgingi kezgi jaǵdaıy, jastardyń otanshyldyǵy týraly áńgimeledi.

Talas Omarbekov óz kezeginde qyzyqty tarıhı derekterdi keltirdi. Sonyń biri túrki áleminiń belgili zııalylarynyń biri Zákı Ýálıdıdiń bashqur halqyna jazǵan haty týraly. Z.Ýálıdı týǵan halqyna sol bir úndeýinde qazaq ultymen birge bolýǵa shaqyrypty. Bolashaqta qazaqtar óz táýelsizdigin alatynyn, sondyqtan qazaqtardan ajyramańdar dep jazǵan eken. Tarıhshy budan basqa da túrli derektermen bólisti.

Tarıhqa aınalǵan sol bir yzǵarly jeltoqsan kúnderi jas qyzdar men jigitter, búngingi salıqaly aǵalar men apalar kezegime sóz alyp sol kúnderi KSRO qarýly kúshteriniń ózderine kórsetken zorlyq-zomblyqtary aщy shyndyqty jaıyp saldy.

Sheshenderge kezegimen sóz berip otyrǵan H.Ábjanov ár sózge júıeli tolyqtyrýlar men túıindemeler aıtyp otyrdy.

Sózjarysqa búgingi jastardyń ókilderi – mektep oqýshylary men stýdent jastar da qatysty.

«Adyrna» ulttyq-etnografııalyq birlestigi bundaı jıyndardy kelesi jyly da ótkizýdi josparlap otyr.

Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

Tól mádenıetimizdiń tamyry tereńde

«Adyrna» ulttyq-etnografııalyq birlestigi» qoǵamdyq qory QR Aqparat jáne qoǵamdyq damý mınıstrligi qoldaýymen «Azamattyq bastamalardy qoldaý ...