Түркия Сирия мен Ирактың солтүстігінде Күрдістан жұмысшы партиясының (PKK) сириялық қанатына қарсы әуе операциясын жүргізуде. Бұл ақпаратты Түркияның қорғаныс министрлігіне сілтеме жасаған Anadolu агенттігі таратты, деп хабарлайды “Адырна” ұлттық порталы.
“Түркия Сирия мен Ирактың солтүстігінде PKK/YPG террористік нысаналарына әуе операциясын жүргізуде”, делінген хабарламада.
20 қарашада күрдтердің Сирия демократиялық күштерінің өкілі Фархад Шами Түркия Сирияның солтүстігіндегі Кобани қаласына шабуыл жасап жатқанын хабарлады.
