Астанада Қасым, Жомарт және Кемел есімді үшем дүниеге келді

1404

Астанада Сәбит пен Маралдың отбасында үшем дүниеге келді. Олардың есімдерін - Қасым, Жомарт және Кемел қойған. Бұл туралы Астана әкімдігінің сайты жариялады, деп хабарлайды “Адырна” ұлттық порталы. 

Үшемнің ата-анасы №2 көпбейінді қалалық аурухананың дәрігерлеріне алғыс білдіруде.

Жас ана жұбайының жанында медбике болып қызмет істейді. Жұбайы – тіс дәрігері. Олар алғаш рет ата-ана атанып отыр. Балаларға есімдерін атасы қойған.

Үшемдер әрқайсысы шамамен 1000 гр салмақпен мерзімінен бұрын дүниеге келген. Олар бөлімше меңгерушісі Ирина Цубенко бастаған дәрігерлер назарында жаңа туған нәрестелер патологиясын күту бөлімінде болды.

«Ота жасаған және жалпы №2 КҚА-ның акушерлік блогына үлкен алғысымды білдіремін. Медициналық мекемелерде қолайлы жағдай жасап, заманауи жабдықтармен қамтамасыз еткені үшін және мамандардың жоғары кәсібилігі үшін алғысым шексіз. Сіздердің арқаларыңызда бүлдіршіндеріміз толыққанды өмір сүруге және жарқын болашаққа құқылы!» – деді үшемнің анасы Марал Соппек.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket