Ресей Севастополь портына жасалған шабуылға жауап ретінде Украинаның ауылшаруашылық өнімдерін шығаруды қамтамасыз ету үшін «астық келісіміне» қатысуды тоқтатады. Бұл туралы Ресей Федерациясының Қорғаныс министрлігі мәлімдеді, деп хабарлайды “Адырна” ұлттық порталы.
Тоқтату уақыты анықталмады, себебі олар «Қара теңіз флоты кемелеріне және азаматтық кемелерге жасалған лаңкестік шабуыл» оны Ұлыбританияның қолдауымен украиндық тарап жасады деген болжамын жеткізді.
«Осы террористік актіні дайындау және Украинаның 73-ші арнайы теңіз операциялары орталығының әскери қызметшілерін оқыту Украинаның Николаев облысының Очаков қаласында орналасқан британдық мамандардың басшылығымен жүзеге асырылды», - деді Ресей Федерациясының Қорғаныс министрлігінің ресми өкілі Игорь Конашенков.
Ресей Қорғаныс министрлігі сол британдық мамандарды қыркүйек айында «Солтүстік ағындарды» бұзуды ұйымдастырды деп айыптады.
Осыдан бірнеше күн бұрын Ресей қараша айына жоспарланған келісімді ұзарту қаупі төніп тұрғанын мәлімдеген болатын – Кремль астық экспортына айырбасқа санкцияларды алып тастауды талап етті. Сонымен бірге, БҰҰ-ның мәліметінше, бұл келісім бүкіл әлемді астықпен қамтамасыз етуге өз әсерін тигізді.
