Вашингтонда Мұхтар Әуезовтің шығармашылығы насихатталды

2979

Вашингтонда Мұхтар Әуезовтің шығармашылығы насихатталды, деп хабарлайды “Адырна” ұлттық порталы. 

Көрнекті қазақ жазушысы Мұхтар Әуезовтің туғанына 125 жыл толуын мерекелеу аясында Қазақстанның АҚШ-тағы елшілігі Джордж Вашингтон университеті жанындағы Абай орталығымен бірлесіп, классиктің шығармашылық мұрасын талқылауға арналған онлайн дөңгелек үстел ұйымдастырды.

Іс-шараның негізгі мақсаты – жазушының тағылымын және ой-талғамдарын кеңінен дәріптеу арқылы қазақ халқының мәдениеті, рухани өресі мен ұлттық құндылықтарын насихаттау.

Дөңгелек үстелге қатысқан Қазақстан мен АҚШ-тың академиялық қауымдастықтарының өкілдері қазақ жазушысының ғылыми-шығармашылық мұрасын талқылап, оның қазіргі әлемдегі өзектілігін атап өтті.

Іс-шараны аша отырып, Қазақстан елшісі Ержан Ашықбаев  М.Әуезовтің қазақ әдебиетінің даму тарихына қосқан зор үлесін атап өтті. Сондай-ақ шетелдік жас әдебиеттанушылар мен тыңдаушыларды жазушының шығармашылығын әрі қарай зерттеуге шақырды.

Талқылауға М. Әуезов атындағы Әдебиет және өнер институтының бас директоры Кенжехан Матыжанов, М. Әуезов мұражай-үйінің директоры Диар Қонаев, Анкара Хажы Байрам Вели университетінің оқытушысы Гүлжанат Құрманғалиева-Ержиласун, Джордж Вашингтон университетінің Славян тілдері, кинотану және халықаралық қатынастар бөлімінің профессоры Петер Роллберг, әл-Фараби университетінің профессоры Қанипаш Мәдібаева, жазушы Нұрболат Ақыш және филология ғылымдарының докторы Алуа Темірболат қатысты.

Пікір алмасудың модераторы ретінде Джордж Вашингтон университеті жанындағы Еуропалық, ресейлік және еуразиялық зерттеулер институтының (IERES) директоры Марлен Ларуэль болды.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket